സർട്ടിഫിക്കറ്റ്

സർട്ടിഫിക്കറ്റ്

എനിക്കൊരു സർട്ടിഫിക്കറ്റ്

വേണം

ജനഗണമന കേട്ടു നെഞ്ചും വരിച്ചു 

നിവർന്നു നിൽക്കുമ്പോൾ

എന്റെ നെഞ്ചളവ് നോക്കി 

അതിന് നിങ്ങൾ മാർക്കിടണം..

ആവേശം കൊണ്ട് ഉയർന്ന് 

വരുന്ന ഞെരമ്പിന്റെ 

എണ്ണം നോക്കി പുളകിതനാകണം..

ഫ്‌ബി പോസ്റ്റ് ലെ ഓരോ 

വരികളിലും അതിന്റെ 

തീവ്രത ജ്വലിപ്പിച്ചു നിർത്തണം

ആയുധം വെച്ച് കീഴടങ്ങിയ

തീവ്രവാദികളെ
കൊന്നു കൊണ്ട് തെളിയിക്കണം..

ചെറു വിമർശനങ്ങൾ പോലു

പരാജയത്തിന്റെ
പടുകുഴിയാണെന്നു വിശ്വസിക്കുന്ന
എന്റെ നീതിപീഠമേ..നിയമമേ..

നീ വിചാരിച്ചാൽ എനിക്കത് കിട്ടും..

കാക്കിക്കുള്ളിലെ 

രാജ്യസ്നേഹികൾ അത് സംഘടിപ്പിക്കും

മനസ്സിലായില്ലേ...?

ജിനേഷ് പനമണ്ണ