ഇഷ്ടം

ഇഷ്ടം

ഓർമ്മിക്കാൻ എനിക്കുമുണ്ടേറെ ഇഷ്ട്ടം

ഓർമ്മകൾ വറ്റാതോരെന്റെ ഇഷ്ട്ടം

രാഗങ്ങൾ മീട്ടുന്ന തന്ത്രികൾ പോൽ

അറിയാതെ ഒഴുകുന്ന ഓളങ്ങൾ പോൽ

കുളിരേകും മഴയുടെ ഈണങ്ങൾ പോൽ

അറഞ്ഞിട്ടും അറിയാതെ പോയൊരിഷ്ടം..

ഒരു മയിൽപീലിപോൽ കരുതിടുന്ന

മൃദുല സ്പർശങ്ങളാൽ തലോടിടുന്ന

തളിരിടും ഓർമ്മകൾ നിറഞ്ഞിടുന്ന

മൃദു മന്ദഹാസം പോലൊരിഷ്ടം..

പറയാതെ പോയൊരു തെന്നൽ പോലെ

തെളിവാർന്ന നിറവേകും നിലാവ് പോലെ

മണമേകും ചൊടിയുള്ള പൂവ് പോലെ

ഞാൻ കൊതിക്കുന്ന നഷ്ട്ട സ്വപ്നം..

ജിനേഷ് പനമണ്ണ