മനുഷ്യ മൃഗം

മനുഷ്യ മൃഗം

ആരാണ് ഞാൻ ?

മനുഷ്യനോ അതോ മൃഗമോ..?

കൈകൾ കൂട്ടി അവളുടെ 

കുഞ്ഞു വായ പൊത്തുമ്പോൾ

ഞാൻ അറിഞ്ഞു എന്നിലെ

ക്രൂരനായ ആ മൃഗത്തെ..

അവളുടെ കുഞ്ഞു ഞെരുക്കം

ലഹരിയുടെ നാളം ഉണർത്തി..

പിച്ച വെക്കേണ്ട കൽപാദങ്ങൾ

അവളുടെ കുഞ്ഞു കരങ്ങൾ

ഒരു നിമിഷം എന്റെ ബാല്യ

കാലത്തേക്കു നയിച്ചു ഒപ്പം

സ്നേഹം തന്ന എന്റെ ആദ്യ 

കൂട്ടുകാരിയെ...അമ്മയെ !

വേണ്ട ആ ഓര്മകൾക്കുള്ള

സമയമല്ല ഇപ്പൊ പോകു ...

അവളുടെ തളർന്ന കൈകൾ

പാതി അടഞ്ഞ കണ്ണുകൾ..

എന്റെ മകൾക്കും ഇതേ പ്രായം

ഒരിക്കൽ പനി വന്നു അവളെ

വാരിയെടുക്കുബോൾ അവളുടെ

കൈകളും തളർന്നിരുന്നു 

കണ്ണുകൾ പാതിയടഞ്ഞിരുന്നു..

ചിന്തകൾ എന്നെ കാർന്നുതിന്നു

എന്നെ തളർത്തി, അവളുടെ 

മുഖങ്ങൾ മാറിമറയുന്നു

എനിക്ക് പരിചിതരായ ഒരു 

പിടി മുഖങ്ങൾ കണ്ണുകൾ

പാതി ചത്ത മൃഗത്തെ പോലെ

അത് നോക്കി പകച്ചു നിന്നു

ഞാൻ അറിയുന്നു എന്നിലെ

വികൃതമായ ആ രൂപത്തെ

നീചനായ ആ മൃഗത്തെ

ആ ചോദ്യം ഇന്നും വേട്ടയാടുന്നു

ഞാൻ മനുഷ്യനോ മൃഗമോ?

ജിനേഷ് പനമണ്ണ