അമ്മ

അമ്മ

അമ്മ..പത്തു മാസത്തോളം

വാനോളം പ്രതീക്ഷകളുമായി

കാത്തിരിപ്പിന്റെ നാളുകൾ

തള്ളിനീക്കുന്നവൾ...

ഒടുവിൽ എല്ലുപൊട്ടുമാറു 

വേദനയോടെ ആദ്യമായും 

അവസാനമായും നമ്മുടെ 

കണ്ണീരിനെസന്തോഷത്തോടെ 

വരവേറ്റവൾ...

ഉള്ള സ്നേഹം അത്രയും 

മുലപ്പാലിന്റെ രൂപത്തിൽ 

നമുക്ക് തന്നു കരുത്തേകി

സ്വതന്ത്ര്യംതന്നവൾ...

സ്നേഹം മാത്രം നമുക്ക് തന്ന്

സ്നേഹിക്കാൻ പഠിപ്പിച്ചു

നമുക്ക് വഴി കാണിച്ചവർ

അത് മാത്രം ആണോ അമ്മ..?

പേറ്റുനോവ് ആണോ ആധാരം

സ്നേഹം കൊണ്ട് ലോകം 

കീഴടക്കിയ എത്രയോ 

അമ്മമാർ,മദറിനെ പോലെ..

വിദ്യ എന്ന രണ്ടക്ഷരം കൊണ്ട്

ലോകത്തെ സ്നേഹിക്കാൻ 

പഠിപ്പിച്ച മലാലയെ പോലെ..

ശത്രുവിനെ പോലുംസുഹൃത്ത് 

ആക്കുന്ന ഡയറികുറിപ്പുകൾ

എഴുതിയ ഫ്രാങ്കിനെപോലെ..

അങ്ങനെ എത്രയോ പേർ

സ്നേഹിക്കാൻ പഠിപ്പിച്ചവർ

അമ്മ സ്നേഹമാണെകിൽ 

ഇവരും നമുക്ക് അമ്മമാരല്ലേ..?

സ്നേഹത്തിലൂടെ നമുക്ക് 

വഴികാട്ടിയ നമ്മുടെ അമ്മമാർ

ജിനേഷ് പനമണ്ണ